يا شعب الجنوب(قصيدة)

عدنان زين خواجه

سبعين ألف استشهد لكم نسمع خطب

الحال بعد ما تحررنا مجهول المصير

تولى أمرنا نصابين شفنا منهم عجب

في نعمه كلهم.. والشعب أصبح فقير

من يوم تحررنا والوضع عندي اقتلب

أصبح الجنوب اليوم في حاله خطير

من بعد ما كنا بانسعد اصبحنا حطب

قد صار الحلم كابوس وتعذيب كبير

وشلة فساد تحكم لها الأمر انتصب

وأصبح النزيه ما بينهم مثل الأسير

وين الوفاء للشهداء وذي دمه سكب

وين تحريرنا وذاك الوعد بعد النفير

مانحس بشي تغيير كل أرضي نهب

ضاع الكرامة وصار العز أمره عسير

لكن الأمل باقي ..والحق ما احتجب

يا شعب لا متى صامد وضعك مرير

راح تجي أيام نفرح ومن بعد التعب

لابد يعود الحق وندخل الظالم ببير

راح نثور ضد الظلم با نشعلها غضب

بانرفع الراية وندحر المستبد الحقير

ما نسكت لحقوقنا وكل سارق نصب

والعدل لا بد يعود من صرخة ضمير

ياشعبنا الصابر ليه صامت ما السبب

قوم واجه الظالم ولا تخاف المصير

الأرض لنا ودم أبناءنا والله ما ذهب

با نسترد الحق للشهيد ولينام قرير

راح نبني مستقبلنا وبأيدينا انكتب

با نرسم المجد للأجيال ورب قدير

ما نرضى بأن تهتان ياجنوب العرب

لابد وأن يصبح حر وخيره الكثير

عندنا الغاز والبترول ومناجم ذهب

كل ذا الخير ينهب ..من أهل البعير

واوباش وعصابة من أهل الهضب

وأشخاص من... بني جلدي حمير

أعطوا لهم أموال.. ومجموعة رتب

لأجل يكون حارس.. للثروة وغفير