طرح النجمان تامر حسني ورامي صبري، اليوم، أول دويتو غنائي لهما بعنوان “فعلًا مبيتنسيش”، عبر حساباتهما الشخصية على مواقع التواصل الاجتماعي ومنصة الفيديوهات “يوتيوب”.
* أغنية “فعلًا مبيتنسيش”
وتم طرح أغنية “فعلًا مبيتنسيش” على طريقة الفيديو كليب، إذ ظهر بها الفنانان تامر حسني ورامي صبري اللذان تعاونا بها مع الشاعر الغنائي عمرو تيام، والأغنية من ألحان شادي حسن، ومن توزيع وميكس وماستر طارق توكل.
* كلمات أغنية فعلًا مبيتنسيش
كان عقلي فين مني زمان.. أنا جيت أوي عليه.. قفلت أنا كل البيبان.. بيننا بعمايلي فيه.. فرطت فيه بإيديا أنا.. أذيته طول السنين.. وجالي قلب ازاي كده.. والقسوة جاتلي منين.. ضميري مش مرتاح.. عشان ضيعته بإيديا.. أناني كنت وهو كان باقي عليا.. أنا اللي 1000 مرة خان.. ولا عاب في يوم فيا.. فعلاً مبيتنسيش.. وحاولت أتعايش بفشل.. واقفة حياتي ومش بعيش.. وبكابر عامل قادر.. وإن فراقه مهزنيش وأنا تايه في الحياة.
* موعد طرح أغنية “فعلًا مبيتنسيش”
أعلن الفنان تامر حسني مؤخرًا موعد طرح أغنية “فعلًا مبيتنسيش” التي تجمعه بالفنان رامي صبري، عبر حسابه الرسمي على موقع التواصل الاجتماعي “إنستجرام” قائلًا: "“دويتو أغنية فعلًا مبيتنسيش تامر حسني ورامي صبري يوم الإثنين 6 يناير 2025 الساعة 6 مساءً على يوتيوب وجميع منصات الاستماع".
* تامر حسني أخ غالي ومحترم
ومن جانبه، أثنى الفنان رامي صبري على التعاون مع الفنان تامر حسني، وعبر عن ذلك بكلمات رقيقة نشرها عبر حسابه على “فيسبوك” قائلًا: “تامر حسني فنان وأخ غالي ومحترم، وواثق في نفسه، ودي للأسف مش موجودة كتير في مغنيين ناجحين، لكن عندهم مشاكل كبيرة وميعرفوش يبقوا زي الراجل المحترم ده”.
* صفاء نفسي
واعتبر رامي صبري، أن الفنان تامر حسني يمتلك حالة من الصفاء النفسي، يفتقدها هو، وقال: "تامر فنان كبير جدًا، ولما اشتغلت أنا وهو في الديو اللي هينزل الفترة اللي جاية فهمت هو محبوب ليه، علشان عنده صفاء نفسي مش عندي شخصيًا، أنا دايمًا ليا رد فعل إنما هو بيسيب الحاجات زي ما هي ومبيحبش يرد".
